babazouk Aiglon
Age: 57 Inscrit le: 07 Aoû 2002 Messages: 903 Localisation: NISSA
Euro 2024 :
|
|
LOU DIVIN TABLèU.
Un bèu matin lou bouón Dièu
Embé pintura e pincèu,
Adaise despi li nèu,
s'es mes à faire un tablèu.
A pilhat, per coumençà,
de blu e l'a mes pertout.
Blu d'aquí e blu d'aià
Lou siéu blu curbía tout.
Dins lou aut d'aquèu tablèu
a traçat dins la pintura
un gran rodou de soulèu
de mai verou que natura.
Dins lou bas de la siéu tela
mé blanc e blu d'outremar
li a pintat, imourtela,
la plus fantasca de mar.
Pi, celesta inspiracioun
mesclant un fai de coulour,
mé gaubé e applicacioun,
a fach s'espeli li flour.
A cada toca un bouquet,
Rosa, lilà, daissemin
que si crepavon en pléguet
en un arc de San-Martin.
A dessinat de maioun,
En rosa, per li façada,
un castèu mé de bastioun
e dejà una cascada
Mout sujet en soulombrina
soun ientrat dins lou tablèu,
Pescairis, per la Marina,
Per lou vielh pouórt de batèu ...
Lou siéu tablèu acabat
lou bouón Diéu plen de redris,
un gran bèu noum a cercat
per un nouvèu paradis.
Es ensin, qu'ai matutin,
embé l'aurora coumpliça,
a trouvat un noum divin,
un noum fach de bèuta.
NISSA !!
Jorgi TASSO |
|